1974 yilda «Gidrotexnika inshootlari qurilishi» fakul’teti qoshida «Suv xo’jaligi iqtisodiyoti va uni tashkil etish» kafedrasi tashkil etildi. Uning tashkilotchisi va birinchi mudiri texnika fanlari nomzodi, dotsent Valijonov Axmed Musojonovich bo’lgan. Xuddi shu yili «Suv xo’jaligi iqtisodiyoti va uni tashkil etish» yo’nalishi bo’yicha 50 nafar kunduzgi va 50 nafar sirtqi ta’limga talabalar qabul qilindi.
Kafedraning birinchi o’qituvchilari dotsentlar M.M.Mirpoyozov, A.P.Po’latov, A.S.Sultanov, A.V.Hisomov, V.N.Zarva, S.N.Pechatkin, katta o’qituvchilar Z.S.Ivanova, R.A.Badamova va boshqalar bo’lgan.
Kafedraning ikkinchi mudiri bo’lib, 1980 yilda dotsent A.S.Sultonov saylandi. Keyinchalik professor A.S.Sultonov 2004 yilgacha shu kafedraga mudirlik qildi. 2003 yilda «Suv xo’jaligi iqtisodiyoti» kafedrasi bilan «Qishloq xo’jaligi iqtisodiyoti» kafedralari qo’shilib, «Agroiqtisod va biznes» deb ataldi.
2004 yil sentabr oyida «Suv xo’jaligi iqtisodiyoti», «Suv xo’jaligi menejmenti» va «Suv xo’jaligida marketing» kafedralari birlashtirilib, «Suv xo’jaligini boshqarish va uning iqtisodiyoti» kafedrasi tashkil etildi. Kafedraga iqtisod fanlari nomzodi, dotsent Zarib Yangiboyevich Xudayberganov mudir etib saylandi.
2007 yil 17 noyabrda «Suv xo’jaligini boshqarish va uning iqtisodiyoti» kafedrasi tugatilib, «Suv xo’jaligi iqtisodi» va «Suv xo’jaligini boshqarish» kafedralari tashkil etildi. «Suv xo’jaligi iqtisodi» kafedrasiga mudir etibб dotsent Z.Ya.Xudayberganov saylandi.
Kafedrada o’tgan yillar davomida mingdan ortiq suv xo’jaligi iqtisodchilari tayyorlandi. Ular xalq xo’jaligining turli tarmoqlarida faoliyat ko’rsatmoqdalar. Jumladan, R.S.Azimov O’zbekiston Respublikasi Bosh vazirining birinchi o’rinbosari, Moliya vaziri lavozimida, A.T.Tillayev Moliya vazirligida Boshqarma boshlig’i. S.G’.Murodov O’zbekiston Respublikasi Qishloq va suv xo’jaligi vazirligida Boshqarma boshlig’I va boshqalar.