Dekan Zafar S. Abdullayev

Fakultetning birinchi dekani dotsent Laxovskaya Venera Leonidovna
bo’lgan. 1977 yildan boshlab fakultet dekani vazifasini professor
Хodjayev Sagdulla Madaminovich bajardi. Fakultet tashkil qilingan
davrdan boshlab uning tarkibida «Suv xo’jaligi iqtisodi va uni tashkil
etish» kafedrasi (mudiri dos. Valijonov A.M.) hamda «Qishloq xo’jalik
iqtisodi va uni tashkil etish» kafedrasi (mudiri prof. Хodjayev S.M.)
faoliyat ko’rsatgan.

Keyinchalik 1978 yilda
fakultet tarkibida uchinchi kafedra «Qishloq xo’jalik ishlab
chiqarishini boshqarish» kafedrasi (mudiri dos. Тursunov R.Т.) tashkil
etildi. 1985 yildan 1987 yilgacha fakultet dekani lavozimida prof.
Хodjayev Boxodir Asatullayevich ishladi. Хozirgi paytda fakultetni
dotsent Abdullayev Zafar Sayfutdinovich boshqarib kelmoqda.

Fakultetning
umumiy ilmiy-tadqiqot ishlari mavzusi: «Sug’orma dehqonchilikda suvdan
va yerdan foydalanish samaradorligini oshirish» muammolarini yechishga
bag’ishlangan. Bu mavzu tarkibida «Suv xo’jalik qurilishini
samaradorligini oshirish, o’quv tajriba xo’jaligida yerdan, suvdan
foydalanishni yaxshilash tadbirlari ishlab chiqilgan. 1974-2004 yillar
ichida fakultetda 3ta doktorlik, 16ta nomzodlik dissertatsiyalari
yoqlandi, 8ta olimlar dotsentlik, 5ta professorlik ilmiy unvonlariga
sazovor bo’lishdi. Fakultet Respublika «ta’lim yo’nalishlari
klassifikatori»ga kiritilgan 2ta bakalavriant yo’nalishlari –
«Iqtisodiyot» (suv xo’jaligida), «Menejment» (suv xo’jaligida),
«Marketing» (suv xo’jaligida), «Buxgalteriya hisobi va audit»
yo’nalishlari bo’yicha fakultetning yetuk olimlari ishtirokida davlat
ta’lim standartlari, na’munaviy va ishchi o’quv rejalari, fanlarning
dasturlari ishlab chiqilib, o’quv jarayoniga tadbiq qilindi. Davlat
tilida hamda rus tillarida o’quv qo’llanmalari, uslubiy qo’llanmalar va
ma’ruzalar matnlari tayyorlanib chop etildi.