O‘zbekiston Respublikasi Prezidenti Islom Karimov 5 oktabr kuni Mustaqil Davlatlar Hamdo‘stligi Davlat rahbarlari kengashining navbatdagi majlisida ishtirok etish uchun Tojikiston Respublikasi poytaxti Dushanbe shahriga jo‘nab ketdi.
Dushanbe sammitida MDHni isloh qilish konsepsiyasi hamda uni hayotga tatbiq etishga qaratilgan chora-tadbirlar rejasi ko‘rib chiqilishi rejalashtirilmoqda. Bu ikki hujjat loyihalari Davlatlararo ishchi guruhi tomonidan ishlab chiqilgan bo‘lib, ularda Hamdo‘stlik faoliyatini izchil takomillashtirib borish yo‘nalishlari belgilangan.
Shuningdek, sammitda prezidentlar migratsiya bilan bog‘liq muammolar yuzasidan fikr almashib, bu borada o‘zaro kelishilgan siyosat yuritish masalalarini ham muhokama qiladilar.
Man'ba - UzA |