Poytaxtdagi Xalqaro hamkorlik markazida O‘zbekiston Respublikasi Bosh vaziri Shavkat Mirziyoyev va rasmiy tashrif bilan mamlakatimizda mehmon bo‘lib turgan Xitoy Xalq Respublikasi Davlat kengashi rahbari Ven Szyabaoning uchrashuvi boshlandi.
Muzokara avvalida mamlakatlarimiz o‘rtasidagi munosabatlar izchil rivojlanib, o‘zaro hamkorlik ko‘lami barcha sohalarda kengayib borayotgani, bunda O‘zbekiston va Xitoy rahbarlarining uchrashuvlarida erishilgan kelishuvlar, xususan, Prezident Islom Karimovning 2005 yil may oyidagi XXRga rasmiy tashrifi asnosida imzolangan Do‘stlik, strategik sheriklik va hamkorlik to‘g‘risidagi shartnoma muhim huquqiy asos bo‘lib xizmat qilayotgani ta’kidlandi. | 