O’zbekiston milliy teleradiokompaniyasi Birlashgan kasaba uyushma qo’mitasining navbatdagi V Majlisi bo’lib o’tdi. Unda Birlashgan kasaba uyushma qo’mitasi rayosatining 2007 yil to’qqiz oyi mobaynida amalga oshirgan ishlari, qo’mita tarkibiga o’zgartirishlar kiritish hamda uning Nizomiga ayrim qo’shimchalar kiritish kabi masalalar muhokama etildi.
Shu kuni Birlashgan kasaba uyushma qo’mitasi a’zolari uchun seminar tashkil etildi. Unda «Jamoa shartnomasini tuzish, ijrosini ta’minlash va nazorat qilish», «Jamoa shartnomalarida mehnatni muhofaza qilish va texnika xavfsizliklari masalalari», «Jamoa shartnomasi va mehnat huquqlari», «O’zbekiston Respublikasi Prezidenti saylovlariga tayyorgarlik davrida milliy teleradiokompaniya kasaba uyushma tashkilotlarining o’rni», «Kasaba uyushma tashkilotlarining strukturasi va uning faollari bilan ishlash masalalari», «Kasaba uyushma tashkilotlarida madaniy-ommaviy ishlar» va «Kasaba uyushma qo’mitasida moliyaviy xo’jalik ishlari» kabi mavzularda ma’ruzalar tinglandi.
|
