Juma, 22.02.2019, 19:24
Suv xo'jaligini boshqarish va uning iqtisodiyoti fakulteti
Приветствую Вас Mexmon | RSS
Главная » 2008 » May » 25 » Oliy Majlis Qonunchilik palatasida
Oliy Majlis Qonunchilik palatasida
23:28
 
 

23 may kuni deputatlar O‘zbekiston Respublikasi Oliy Majlisi Qonunchilik palatasi majlisining kun tartibiga kiritilgan masalalarning muhokamasini davom ettirdilar.

Majlisni Oliy Majlis Qonunchilik palatasining Spikeri D.Toshmuhamedova olib bordi.

O‘zbekiston Respublikasining 2007 yilgi Davlat budjeti va O‘zbekiston Respublikasi Davlat budjetining 2008 yil birinchi choragidagi ijrosi to‘g‘risidagi hisobot bilan Bosh vazirning birinchi o‘rinbosari – moliya vaziri R.Azimov so‘zga chiqdi. Ushbu masala bo‘yicha Budjet va iqtisodiy islohotlar qo‘mitasining raisi A.Ahadov qo‘shimcha ma’ruza qildi.

Savol-javoblardan keyin bo‘lib o‘tgan muhokama chog‘ida barcha siyosiy partiyalar fraksiyalarining vakillari so‘zga chiqdilar. Hisobot davrida mamlakat iqtisodiyotining jo‘shqin rivojlanishi davom etganligi, budjet- soliq siyosati xo‘jalik yurituvchi subyektlar zimmasiga tushadigan soliq og‘irligini pasaytirgan holda budjetning daromad va xarajat qismlarining muvozanatini ta’minlashga qaratilganligi iqtisodiy o‘sish ijtimoiy muammolarni muvaffaqiyatli hal etishga ko‘maklashganligi ta’kidlandi.

Deputatlar mamlakatning asosiy moliyaviy hujjati hisobot davrida daromadlarning xarajatlardan yuqori qilib bajarilganligini, Vazirlar Mahkamasi bozor islohotlarini chuqurlashtirish va iqtisodiyotni erkinlashtirish, soliq tushumi mexanizmini takomillashtirish jarayonlarini yanada ildamlatish, budjet mablag‘laridan belgilangan maqsadlarda foydalanish yuzasidan aniq choralar ko‘rganligini ta’kidladilar. Budjetning birinchi navbatdagi xarajatlarini, aholining ijtimoiy muhtoj qatlamlarini himoya qilish tadbirlarini to‘liq va o‘z vaqtida moliyalashtirish ham Hukumat tomonidan ta’minlandi.

Qonunchilik palatasi O‘zbekiston Respublikasining 2007 yilgi davlat budjeti va O‘zbekiston Respublikasi Davlat budjetining 2008 yil birinchi choragidagi ijrosi to‘g‘risidagi hisobotni tasdiqlab, tegishli qaror qabul qildi.

Просмотров: 1319 | Добавил: Otabek | Рейтинг: 5.0/1 |
Всего комментариев: 1
1 h  
oliy majlis senati raisi kin?

Добавлять комментарии могут только зарегистрированные пользователи.
[ Регистрация | Вход ]
Otabek © 2019Хостинг от uCoz