O‘zA, Yorqul Umar, 26.05.2008 19:20
Navoiy kon-metallurgiya kombinatiga qarashli sanoat korxonalarida 50 mingdan ortiq kishi mehnat qiladi. Kombinat ma’muriyati nafaqat ishchi-muhandislar, balki ularning farzandlari mazmunli dam olishi uchun ham zarur shart-sharoitlarni yaratib berishga harakat qilmoqda.
Navoiy shahridagi “Farhod” madaniyat saroyida bo‘lib o‘tgan “Umid” yoshlar festivalida Navoiy davlat konchilik instituti, Navoiy, Zarafshon hamda Uchquduq konchilik kasb-hunar kollejlari talaba-yoshlari qatnashdi. Unda ishtirokchilar milliy qo‘shiqchilik va estrada, xoreografiya, vokal va sport yo‘nalishlari bo‘yicha o‘z mahoratini namoyish etdi.
G‘oliblarga festival tashkilotchilarining esdalik sovg‘alari topshirildi. |