Bokschilarimizning yana bir muvaffaqiyati

O‘zA, Zohir Toshxo‘jayev, 06.11.2008 15:26

Qozog‘istonda boks bo‘yicha yoshlar o‘rtasida o‘tkazilgan xalqaro turnirda o‘zbekistonlik sportchilar bir oltin, uch kumush va ikkita bronza medalni qo‘lga kiritdi.

Sakson bir kilogramm vazn toifasida ringga chiqqan bokschimiz M.Abdullayev barcha raqiblarini mag‘lubiyatga uchratib, terma jamoamiz hisobiga oltin medal keltirdi.

Shuningdek, finalga yo‘llanma olgan D.Turdiyev, I.Komilov hamda Sh.Abdullayev kumush medal sohibi bo‘ldi. Z.To‘yboyev va M.Soipov esa turnirni bronza medal bilan yakunladi.